จารึกพระเจ้าล้านทอง

สักราชได้ ๘๕๘ ตัว ในปีรวายสี เดือน ๖ ออก ๑ ค่ำ วันอาทิต ไทร้วงไส้ รืก ๖ ตัว ชื่ออัดทรา ญามตูดช้าย แล้ว ๒ นาที เจ้าเมืองนครสีทัดถะมหาสุระมันตรี มากินเมืองนคร นี้ได้ ๖ เดือน จิ่งชวนชาวเจ้าสังคะ กับเจ้าหมื่น เจ้าพัน นักบุญทังหลายมาแรกก่อตีนพระมหาธาตุเจ้า กว้าง ๑๒ วา ก่อนแล ถัดนั้นมาปีเปลิกซง้า เดือน ๗ แรม ๑๒ ค่ำ วันพุธ ไทยร้วงเหม้า รืก ๒๖ ยามพาดรุ่ง แล้ว ๒ นาที จิ่งมาก่อเล่า ส้อนดิน ๑๓๐๓๘๗๔ ก้อน สิ้นปูน ๑๑๗๙๕๐๐๐๐ สิ้นเงินค่าชู่อันกับจ้างช่างก่อ ๒๒๐๖๒ ก่อแล้วในปีกัดเมด เดือน ๔ แรม ๘ ค่ำ วันพฤหัส ไทยเปลิกส้น รืก ๑๕ นามตูดซ้ายแล มหาธาตุเจ้ากว้าง๑๒ วา สูง ๑๙ วาอกแล เมื่อเจ้าเมืองอ้ายคำขึ้น ๑๔๑๑ คำเกลือก ๓๓๓ คำเจ้าเมืองสีทัตถะขึ้น ปีนั้น ๑๙๓๒ ถัดนั้นปีก่าไก้ เดือน ๕ เปง รอมคำแผ่นขึ้น ๗๐๑๑ สะสิ้นค่าเกลือก ๖๑๕๒ รวมคำทังมวล ๑๓๑๖๓ สะรอมเงิมทังมวน ๔๒๔๖๒ เงิน นายี่มีข้าวหมื่นหนึ่งในนี้ ไถ่คนไว้ ๗ ครับ เป็นเงิน ๒๘๑๐ แล ถัดนั้นปีร้วงเร้า เดือน ๓ ออก ๙ ค่ำ วัน ๖ ไทยเต่าซง้า รืก ๒๖ ยามตูดเช้า แล้ว ๒ นาที ปลกวิหารสิ้นเงินชู่อัน ๒๐๐๐๐ แล ถัดนี้ปีก่าไก้ เดือน ๓ แรม ๑๑ ค่ำ วัน ๖ ไทยเปลิกซง้า รือ ๑๗ หล่อพระเจ้าล้านทอง ยามคันรุ่งแล คำพอกพระ ๓๒ จ้างช่างหล่อพระกับตีคำ ๓๖๒ เงิน ไถ่คนไว้กับ ๖ ครัว ค่า ๒๖๗๐ เงิน ไว้นากับพระเจ้าล้านทอง ๒๐๐ เข้าแล คำปรารถนาเจ้าเมืองนครหื้อเถิงสุขในเมืองคน เมืองฟ้า ที่สุดว่าได้เปนอรหันตาตนวิเสดนึ่งในสำนักพระอริยะเมตไตยเจ้า ในอนาคตกาลนี้ว่าอั้นแล สัปปุริสทังหลายจุงอนุโมทนาด้วยทุกคนเท่าวัน