จารึกวิหาร วัดแม่สุก

ปถมะสมณะสัทธาแลมุลสัทธาผู้ข้าทังหลาย ทัง ๒ คณา พายในหมายมีสวาธุเจ้าสุริยา เปนเคล้าก็ภ้อมกับด้วยอันเตวาสิกชุองๆ พายนอกหมายมีพ่อกำนันอ้าย ผิวเหลียง แลพ่อหนานพุทธิมา อาจาร พ่อเจ้าปุ้ม นายเบอะ นายหล้า แก่วัด พ่อเลี้ยงน้อยเถิง น้อยคำตั๋น พ่อเถ้าไหล นายลือเฮียนผู้ช่วย เปนหัวหน้าแก่สัทธาทังหลาย ๒ หมู่บ้าน รวมมี ๑๖๖ หลังคาเรือน ก็มีความสมัคคีกับด้วยกัน แล้วก็พากันได้คิดสร้างยังโรงอุโบสถ ก่อแรมมาถึงยังอุตตุเหมันตะระดู เดือนปุสยะติทะสังมาส ในเดือน ๔ เดือนลง ๑๓ ค่ำ พร่ำว่าได้วันอังคาร กัมโพไตรไทยภาสาว่าปีเต่าสง้า อติตะวระพุทธสาสนาล่วงไปได้ ๒๔๘๖ ตัว จุฬสักกราชได้ ๑๓๐๕ ได้ตัดไม้เครื่องเข้าใส่ ได้กะทำมาจนสำเรฌการสร้างโรงโบถหลังนี้ เสี้ยงดินกี่ ๔ หมื่น ๒ พันก้อน ปูนขาวเสี้ยง ๓ ร้อย ๒ แสน แป้นเก็ด เสี้ยง ๔๔๘๐ แผ่น จ่ายเงินเสี้ยงไป ๑๒๓๗ บาศ ๔๕ สตาง มาถึงวันเดือน ๖ เหนือ ขึ้น ๑๕ ค่ำ พร่ำว่าได้วันอังคาร ตลงกับวันธี่ ๒๗ มีนาคม ภ.ส. ๒๔๘๘ ตัว ปลีกาบสันจิ่งได้จลองธำบุญปลูกยังพัทธสีมาในวันขึ้น ๑๕ ค่ำ วันขึ้น ๑๔ ค่ำ เวลาบ่าย ๔ โมง ธ่านภละสงฆ์เจ้าทังหลายเข้าสวาดมนจดหัตถบาตรถอนสีมา จนตลอด ๗ นาฬิกา เลิกเปนคร่าวถึง ๗ โมงเช้า จิ่งได้ญัตติตัดยังลูกนิมิตลงใส่ขุมแล้วเลิกบิณฑิบาตสันเช้า หมายมีธ่านพระครูเจ้าสีหสุวัณณ์ เปนเจ้าคณะจังหวัดลำปาง เปนนายกแก่สังฆะทังหลาย ธ่านภละครูธัมมธนะโถ เปนเจ้าคณะแขวงแจ้ห่มธี่นี้ ได้นิมนธ่านภละสังฆะมาถาวะระสีมากัมม์ ในวัดแม่สุกนี้มี ๖๗ พระอง เมื่อจลองแล้วได้เงินเข้าวัดได้ ๑๘๑๐ บาท ได้ถวายธานแก่ภละสังฆ์ทังหลายเสี้ยง ๑๗๓๕ บาด ในสไมยนี้มีภละภิกขุอยู่ปละจำธี่นี้มีสิบองค์ สามเณรสิบองค์ เดกยม ๔ คน ในเวลาธี่ได้ปลูกสีมมานี้เธิญ อายุวัณณัง สุขัง พลัง ยาวะนิพพานัง ประมัง สุขัง ข้าพระสุริยา เจ้าอาวาส ได้ทำพงษาวะดานไว้ในที่นี้ เวลานี้อายุของผมได้ ๕๕ พรรษาแล้ว