จารึกวิหาร วัดบ้านกล้วยหลวง

จุฬสักกราชได้ ๑๒๙๒ ตัว ปลีร้วงเมด เดือน ๙ แรม ๔ ค่ำ ภ่ำว่าได้วันอาทิดแล ได้ริสสนาปะติสังขอนภะวิหานหลังนี้ขึ้นในวันนั้นแล ปถมะมหามุลละสัทธาแลสมนะสัทธาแลคหะสัทธาทังสองคณา ทังพายในแลพายนอก หนพายในเร่าหมายมีภะมหาสวาธุเจ้าผด เปนเคล้าภ้อมกับด้วยสิกยวมเจ้าชุตนชุอง แลหนพายนอกเร่าหมายมีพ่อเลี้ยงน้อยยวม แลแกล่อ้าย แลแก่หนานแก้ว แลเจ้ากล่ำนานน้อยหลั่ง แลแกล่ริ แลแกล่หอม แลแกล่น้อยมอน แลพ่อเถ้าปุก แลลุงหนานหลวงทา แลนายสอง แลนายมน พ่อเถ้าซอน นายปัน แลนายน้อยแก่ง แม่เถ้าหอม แลมหามุลละสัทธาอุปปาสักกะ อุปปาสิกกาชุผู้ชุคนชุใหญ่น้อยชายยิง แลสัทธานานาต่างๆ ทังตำบลก้วยแภะที่นี้เปนเคล้า ต่างคนก็ต่างติดกับด้วยภริยาลูกเต้าแลพี่น้องเผ่าพันวงสาพาติกาชุผู้ชุคน ก็ได้เปนเคล้ามุลละสัทธาทานเสี้ยงชุตนชุองชุผู้ชุคนแล ฝูงอันตายไปก็ดี ฝูงอันยังอยู่ก็ดี ก็เอกสันสมนะภ้อมเพียงกันเปนเคล้ามุลละสัทธาทานเสี้ยงชุคนแล ก็พากันมาเลงหันยังภะวิหานหลังนี้หลุกค่ำตำซะลาไปแล้ว มาเถิงปลีเดือนดี วันดี ยามดี มารอดแล้วก็มาภ้อมเปิกสากันว่าเราทังหลายจะปติสังขอนยังภะวิหานหลังนี้ขึ้นแถมใหม่ ก็จิ่งพากันไปหานิมนเอาครูบาธุเจ้านันทา .....