จารึกอาสนา วัดชมภูหลวง

สรีโสภัณณจาฬิกุปปะ มหาทานะ ไชยย ..... ๘ ตัว ใน ..... ไทยกล่าเมด มีติถี ๑๓ ..... ฏ เหดนั้นหมายมีปถมะมุรสัทธาผู้ข้าทังหลายทัง ๒ คณา ทังพายในมีข้าตนชื่อว่า ธุเทพ ..... วาสิสสะชุตน หน ..... เปนเคล้าภ้อมติดกับด้วยลูกเต้าหลานเหลนพี่น้องชุ ..... คน ถัดเรียงนั้นมา ..... เปนเคล้า ภัอม ..... กับด้วยภริยาลูกเต้าหลานเหลนพ่อแม่พี่น้องชุผู้ชุคน ก็มารำเพิงหันสังสาระธัมม์บ่หมั้นเที่ยง รู้ขว้ำเหงี่ยงไปมา ผู้ข้าทังหลายจิ่งบังเกิดด้วยโยนิโสมนะสิกาน ประกอบไปด้วยมหาเจตนาทานอันยิ่งโยด เหดนั้นโผดผู้ข้าทังหลายจิ่งได้ส้างธัมมาสนะ มหาอะถะปะริกขาน สัพพบริวานทานคือว่า พัดพ้าวจามมอน มีพร่ำพร้อมเพื่อจักน้อมหื้อเปนทานไว้ยค้ำชูพุทธสาสนาตราบเสี้ยง ๕๐๐๐ ภะวะสา ด้วยเต(ชะ) กุสสละบุญรวายสีอันนี้มีมาก ผู้ข้าทังหลายได้หื้อมหาทานหันมากปานสันนี้แล้ว เพื่อจักขอเอาสุข ๓ ประกาน มีนิพพานเจ้าเปนยอดแท้ อย่าคลาดอย่าคลาคำเจโตปะนิธานะ ปราถนาแห่งผู้ข้าทังหลายมีสันนี้แล้ว อย่าหื้อได้คลาดแค้วสุนหาย แม่นสมพานแห่งผู้ข้าทังหลายยังไปล่แก่กล่าได้สังสารท้วนเทียวไปมาหลายกำเนิด คือว่าที่ร้ายมี ๘ แห่ง อย่าหื้อผู้ข้าทังหลายได้แต่งตนไป คือว่า ปจันตะโช อรุปโช นิริโย เปโต นั้นอย่าหื้อได้รู้ได้หันสักภะวะชาติกำเนิด จุงหื้อได้ในเกิดรักขณะถ้วน ๙ ที่พระเจ้าส้างสมพานคือว่า เทวตาสุคคะติ มนุสสาสุคคะติ นั้นแท้ดีหลีเทอะ ส้างมหาทานปลางนี้ห้องสรีสมบัตเสี้ยงวัตถุแถบแทงค่า ๒๑๖ ปลายซลึง ๑ ห้องพายสาแก้ว ๒๒๔ แถบ พายในธุเทพพรังสี ๑๕ ปาย ๕ เฟิ้ง นับไว้ยแถบแทงค่าคณะณาสมกันเปน ๔๕๕ แถบ สอมเฟิงแท้แล