| ข้อความท้ายเอกสาร | บัวหอมพันกาบ ผูก 1-6 ผูก 1 รับหน้าบัวหอมพันกาบผูกต้น ข้าหนานเมืองใจเป็นผู้ลิขิตด้วยตนเอง ด้วยเตชะพละอานิสงส์อันข้าหนานเมืองใจได้แต้มธัมม์ขอสุขสามประการแด่เทิอะ ปางเมื่อปฏิบัติธุเจ้าวงศ์ป้อม ผูก 2 สามเณรยศเขียน ตัวหนังสือบ่งามฮ้าย ข้าก่ายเต็มที บ่มีทังงามหื้อข้า ใจบ่ตั้งใค่เหมือนใค่ขี้ บ่มีหว่างใจบานสักเทื่อ บ่เหลือม่วนเต็มที ผูก 3 สักราชได้ 1301 ปลีกัดเหม้า เดือน 10 ทุติยแรม 2 ค่ำ วันพุธ ไทยเต่าสัน ก็สระเด็จแล้วแก่ข้าไชยลังกาภิกขุ ปางเมื่ออยู่ปฏิบัติสวาธเจ้าวงศ์วัดค่าเนิ้งดอนไชยใต้เมืองลำปาง ริมน้ำแม่จางวันนั้นแล ด้วยเตชะกุสลบุญข้าได้เขียนธัมม์พระเจ้าผูกนี้ขอหื้อเป็นสะเพาลำใหย่นำเอาตนตัวแห่งข้าไต่เข้าสู่นิพพาน ขอหื้อเหมือนดั่งเรือเจ้ากิตติกุมมารตนประเสิฏขี่ข้ามสระหนองเลิสเร็วไว ขี่ไพรอดเจ้าระสีตนสร้างยอดปารมีธัมม์ ขอหื้อสมดั่งคำมักคำปรารถนา ขอหื้อได้ร่วมพระเมตไตรยตนยิ่งยอดนำเอาผู้ข้าไพรอดเมืองแก้วยอดมหานิพพานจิ่มเทิอะ ผูก 4 สามเณรอริยะ ผูก 5 ข้อข้อยพี่หน้อยสามเณรลัด เขียนปลี พ.ศ. 2482 ผูก 6 จ.ศ. 1301 ไชยลังกาภิกขุเขียน |
